जनकपुरधाममा फेला परे एक युवकको शव

जनकपुरधाम । जनकपुरधाम उपमहानगरपालिका २३ बेलास्थित धान खेतमा एक युवकको शव फेला परेको छ ।

स्थानीयले शव देखेपछि प्रहरीलाई खबर गरेका थियो । मृतक युवकको पहिचान खुल्न नसकेको धनुषाका प्रहरी प्रवक्ता डिएसपी रञ्जन अवाले जानकारी दिए । उनका अनुसार युवकको हत्या भएको आशङ्का छ ।

प्रहरी घटनास्थल पुगेर शव पोस्टमार्टमका लागि मुचुल्का बनाएर जनकपुरधामस्थित प्रादेशिक अस्पताल ल्याइएको र घटनाका विषयमा थप अनुसन्धान भइरहेको आवाले बताए ।