महोत्तरीमा गोली प्रहाबाट बाबु र छोरा घाइते भएका छन् ।
मंगलवार बेलुका सामन्य विषयमा विवाद हुँदा महोत्तरीको रामगोपालपुर नरपालिका १ बसबिट्टी बाजारमा महोत्तरी लक्ष्मीपुर १ का बासुदेव मंडलका छोरा कौशल मंडलले प्रहार गरेको गोलीले बाबू श्रवन यादव र छोरा अविनाश यादव घाइते भएका छन् ।
एक राउन्ड कन्चटमा र अर्को राउण्ड दाहिने कुमको माथी गोली लागेर श्रवन घम्भीर घाइते भएका छन् भने अविनाश गोलीको छर्रा लागेर सामान्य घाइते भएको स्थानीय सिया शरण मंडलले जानकारी दिएका छन् ।
“कौशलको मोटरसाईकलले अविनाशको कुकुरलाई सामान्य ठोकर लागेपछि दुवैजनाबीच विवाद भएको थियो मंडलले बताए । यो विवाद त्यहाँको स्थानीयले साम्य पारेको थियो र त्यति खेरनै कौशलले म तिमिलाई जानले मार दिन्छु, तिम्रो अपहरण गराई दिन्छु भन्दै त्यहाँ बाट इण्डिया तर्फ गएको थियो र बेलुका उता बाट फर्किदा यो घटना घटाएको मंडलले जनाएका छन् ।
तत्काल उपचारको लागि श्रवण र अविनाशलाई रामगोपालपुरकै जानकी एकेडेमीक हस्पिटलमा भर्ना गरिएको थियो । श्रवनको उपचार त्यहाँ सम्भव नभएपछि थप उपचारकालागी जनकपुरको जानकी हेल्थकेयरमा ल्याइएको छ भने अविनाशको उपचार रामगोपालपुरकै जानकी एकेडेमीक हस्पिटलमा भइरहेको मंडलले बताए ।
पेस्तोल र गोलीको खोका ३ थान सहित गोली प्रहार गर्ने कौशललाई प्रहरीले घटनास्थलबाटै पक्राउ गरेको तथा घटनाको विषयमा थप अनुसंधान भइरहेको महोत्तरीका डिएसपी दिलिप कुमार गिरीले बताएका छन् ।
प्रतिक्रिया