पर्सामा ट्रकको ठक्करबाट एक साइकल यात्रीको मृत्यु भएको छ । मृत्यु हुनेमा वीरगन्ज महानगरापालिका–२० अपौनीका नागेन्द्र ठाकुर रहेका छन् ।
सोमबार राति करिब साढे ७ बजेतिर वीरगन्ज महानगरपालिका २० स्थित अपौनी चोकमा बहुअरीबाट परवानीपुरतर्फ गइरहेको बा प्र ०३–००१ ख १४१८ नम्बरको ट्रकले ठाकुरलाई ठक्कर दिएको थियो ।
साइकलमा सवार ठाकुर सडक किनाराको सिमेन्ट रेलिङमा च्याप्पिइ सख्त घाइते भएका थिए ।
घाइते नागेन्द्र ठाकुरलाई उद्धार गरी नारायणी अस्पताल पुर्याएकोमा चिकित्सक टोलीले मृत घोषणा गरेका थिए ।
प्रहरीले ट्रकसहित चालक मकवानपुर थाहा नगरपालिका–४ का ३३ वर्षीय रमेश गोम्बालाई नियन्त्रणमा लिइ थप अनुसन्धान गरी रहेको जिल्ला प्रहरी कार्यालय पर्साले जनाएको छ ।
प्रतिक्रिया